Inundados

Mais fotos das riadas em Ogrove.

Ban Comic Sans

Hai moitas campanhas “anti” polo mundo adiante. Eu concordo com algumhas e estou totalmente em contra de outras. Hoje apresento-vos a campanha anti-comicsans (esse “tipografia” da Microsoft que tanto se pode ver em e-mail em cadea e esperpentos similares coma blogs estranos, desordeados e estravagantes): chama-se Ban Comic Sans, e tem umha web com merchandising e todo.

Por que me acordei hoje disto? Pois por esta entrada na web dos Microsiervos que me parece do melhor que vim pola internet sobre o tema este da “tipografia” tam odiada por moitos.

25-N, CONVOCADAS MOBILIZAÇONS EM TODA GALIZA BAIXO O LEMA “RESPEITA-ME”

Hoje conmemora-se o Dia contra a Violência de “Género”. A Marcha Mundial das Mulheres convoca mobilizaçons em todo o pais baixo o lema “Respeita-me”. No Salnês nom temos convocatória, O mais cercano é Pontevedra. Podes ver todas as convocatórias en Galiza na web da MMM.

Por fim de volta!

Despois de moitos dias sem poder atualizar o blog por mor dumha atualizaçom da base de dados da empresa que me dá hospedage, já estou de volta. Por certo, nom podia ser em peor momento, pois esta fim-de-semana estou demasiado atarefado. Conferencia de ida da XCG e rematar um trabalho de calefacçom, sem ter em conta as citas que tivem que cancelar por nom poder acudir. Que raiba!

O que mais escoitei os últimos 7 dias

El Régimen de Franco

Como perder peso graças ao régime de Franco.

His-Panic Stomp volume 2

Está disponível para descarga o segundo volume do recopilatório musical His-Panic Stomp. Trata-se dumha recopilaçom da escena 50’s, rockabilly, r’n'r, e similares de grupos hispanos. Eu já descarguei a primeira parte, pois é bastante extenso o recopilata, já que contém exactamente 66 bandas, facendo um triple CD. É bastante recomendável, e as instruçons para a sua descarga estám em http://www.myspace.com/hispanicstomp.

Venha, a escoitar rock’n'roll!

Nunca Mais

12 de Novembro: Dia da Dignidade. Evitemos outro Prestige. Manifestaçom 12 de novembro na Alameda de Compostela às 12 horas.

Ver video.

Desenrolo humano

Pode um pais do Terceiro Mundo como Cuba estar considerado pola ONU como um pais com alto Índice de Desenrolo Humano e dentro dos 50 primeiros paises do Mundo en desenrolo humano? Pois parece mentira, pero segundo o Informe anual do Programa das Naçons Unidas para o Desenrolo isto é real.

Que um país pobre e cum bloqueo económico que dura mais de 40 anos ocorra isto nom é normal. Suponho que o socialismo existente em Cuba terá algo que ver.

Podedes descargar o informe desde a ligaçon anterior. O informe este ano trata sobre todo o problema da água, e a lista de paises por orde de IDH começa mais ou menos na página 283. Como nota curiosa dicer que cada apartado está precedido dumha cita em relaçom co que se vai tratar, e na página 132 podemos ler umha frase célebre de Bob Marley (si, num documento da ONU) que di:

“You ain’t gonna miss your
water until your well runs dry”

Isto bem a dicer algo como: Nom perderás a tua água até que o teu pozo estea seco, ou algo assi. Estariam-se fumando uns charros mentres redactavam o informe? Quem sabe.

Notícias relacionadas com isto:

La República.es

rebelion.org

A casa de 1.906

Um novo reality suma-se aos já numerosos existentes no mundo da televisiom, chama-se A Casa de 1.906 e emite-se na Televisión de Galicia (Teuvegá ou tamém a Galega, como mais gostedes). A pesares do seu nome nom está patrocinada por Hijos de Rivera senom por águas Cabreiroá, que tamém está de centenário, e trata de duas famílias que devem viver como o faciam os galegos em 1.906. Coidar os animáis, etc.

Um amigo enganchado a todo o que seja galego (menos o PPdeG, hehe) recomendou-me o programa. A quarta desta semana vim-o por primeira vez, e quero dicer que me sorprendeu. É original, e podem-se observar os “vícios” modernos dos joves e adultos que concursam. Esta semana tinham que passar um dia sem as nais nas casas, polo que as tarefas do fogar recaiam sobre as filhas (sociedade patriarcal a galega ainda na actualidade). Puido-se observar o pouco que desfrutam arrombando quartos e facendo de comer, ainda que os rapaces tamém som algo lacaçans nas suas tarefas. Os pais som os que realmente trabalham arreo a pesares de que se lhes nota que nom lhes vai moito a cousa, que melhor estavam tirados no sofá vendo ao Celta ou ao Dépor pola tele, pero cargam a responsabilidade ás costas. Isso si, umha cousa lhes notei que nom é de 1906 (suponho, vamos, tampouco estou certo), som estremadamente comprensíveis cos seus filhos, algo que é de agradecer por parte dum filho.

Em fim, o programa está bastante bem, ainda que nom sei como é a dinámica do concurso, pois nom puidem ver o programa completo (é demasiado tarde). Só sei que cada pouco saia umha mensage para votar por sms á família preferida. Terá umha segunda temporada?