Hoxe celébrase na cidade de Madrid un acto en conmemorción dos 85 anos da fundación do Partido Comunista de España, no recinto feiral IFEMA na Casa de Campo.
O PCE fundouse un 14 de Novembro de 1.921 coa celebración dun Congreso de Unidade entre o Partido Comunista Español e o Partido Comunista Obrero Español, o primeiro fundado pola Federación de Juventudes Socilaistas e o segundo por unha rama terceirista do PSOE.
Este ano cumpriuse tamén o 85 aniversario da Unión de Juventudes Comunistas de España, a organización xuvenil do PCE, que ademáis está a piques de celebrar o seu X Congreso os próximos 7, 8 e 9 de Decembro.
No povo de O Grove o movemento comunista sempre tivo unha actividade notábel, xa desde tempos da república, durante a ditadura franquista e coa chegada da monarquía parlamentaria governou o municipio meco o Partido Comunista de Galicia (federación galega do PCE) durante os anos 1.979 e 1.983, e continuamos con presenza na cámara municipal desde entón até hoxe en día, e agardamos continuar traballando polo noso Concello no futuro. Na actualidade os comunistas galegos exercemos o noso traballo dentro do movemento político-social Esquerda Unida, onde achegamos as nosas posturas xunto con outras xentes da esquerda social non comunistas para acadar o obxectivo común dunha sociedade con xustiza social e benestar xeral, tentando aglutinar así ao movemento de esquerdas en torno a obxectivos comúns sen renunciar por iso á nosa militancia e ideoloxía comunistas.
Xa van 85 anos, pero serán moitos máis.
