A Unión de Juventudes Comunistas de España, celebrou esta fin de semana en Madrid o seu X Congreso, na Faculdade de Matemáticas da Universidade Complutense de Madrid, baixo o lema ”Seguimos adiante: organizando a revolución do século XXI”.
O vernes presentose o informe de xestión do Comité Central saínte, conseguindo o respaldo de case o 90% dos delegados asistentes.
O sábado estívose traballando nas distintas comisións de debate que se habilitaran. Discutiuse sobre todos os temas de actualidade que afectan hoxe en día á xuventude, e tratáronse as propostas que a Xuventude Comunista fai para solucionar ditos problemas.
O derradeiro día, rematouse o Congreso cos saúdos de varias organizacións sociais, entre eles o Presidente da FMXD (Federación Mundial da Xuventude Democrática), Miguel Madeira e o Presidente da Xuventude Comunista Checa, recentemente ilegalizada. Tamén interviu o Coordinador Xeral de Izquierda Unida Gaspar Llamazares e a representante da permanente do PCE Isabel Salud, e secretaria do Mundo do Traballo.
Os documentos -tanto políticos, como organizativos- foron refrendados por case o 90% dos asistentes.
A única lista ao novo Comité Central que se presentou, consiguiu o respaldo de perto do 80% do Congreso, sendo posteriormente elexido o novo secretario xeral por unanimidade.
Na súa intervención final, Juan Iglesia, congratulouse de pertencer a unha organización que ten un alto grao de consenso e de unidade, tal e como reflexan as porcentaxes das votacións.
