El clima

Hai uns dias rematei de ler o fantástico libro de Manuel Toharia El clima. Nel o autor fálanos sobre os distintos cambios climáticos ao longo da Historia, como inflúen os distintos gases de efecto invernadoiro no clima, como afecta o clima sobre a Vida e como afecta esta sobre os climas, que coñecemos e que descoñecemos sobre os cambios climáticos, e das mentiras e esaxeracións que existen sobre este tema.

Tamén nos fala das posíbeis consecuencias sobre diversos aspectos das sociedades humanas que teria un hipotético cambio climático, da imposibilidade dun desenrolo sostíbel baixo o Capitalismo, e por último dá alguns consellos tanto individuais como colectivos para aforrar enerxía e minimizar así (ou ralentizar, ou simplemente ter a conciencia mais tranquila) as emisións de gases favorecedores do cambio climático.

Coñecín de Manuel Toharia polo podcast dos Museos Científicos Coruñeses, o cal vos recomendo a todos, no que realizou unha charla duns 50 minutos aproximadamente que se pode calificar como o mellor resumo posíbel do libro.

Se estades interesados no tema do cambio climático, non deixedes de ler este libro, que vos informará sobre o tema ademais de desmentir alguns mitos e esaxeracións.

Aprobeitando que estou falando dun tema directamente relacionado coa enerxía e o medioambiente, informarvos de que se acaba de inaugirar o portal da Red Hispana de Blogs de Energía y Medio Ambiente, impulsada por Indarki, que non é mais que unha morea de feeds rss de distintos blogs con esa temática todos xuntiños nunha web.

Vivenda digna

Artigo 47

Tódolos españois teñen dereito a desfrutar dunha vivenda digna e axeitada. Os poderes públicos promoverán as condicións necesarias e establecerán as normas pertinentes para faceren efectivo este dereito, regulando a utilización do solo de acordo co interese xeral para que se impida a especulación.

A comunidade participará nas plusvalías que nazan da acción urbanística dos entes públicos.

Artigo 47 da Contitución Española de 1.978

Mañá, nas principais cidades de todo o Reino de España , celebraránse mobilizacións polo dereito a unha vivenda digna. Máis info en www.vdevivienda.net, www.viviendadigna.es, comunicado da Xuventude Comunista sobre vivenda.

Procuras

policia catalan que esta feito un rapaz

Esta é a busca máis rara que fixo alguén para acabar chegando ao meu blog. A verdade é que a maioría de visitas a través de pesquisas en servizos como google que chegan a este blog están bastante relacionadas co contido, soen ser buscas sobre O Grove en xeral, sobre min mesmo, ou sobre urbanismo en O Grove maioritariamente, pero esta realmente sorprendeume, e por iso a poño aquí.

Reunión coa dirección de Rosalía de Castro

Hoxe tiven a pracer de reunirme con Dolores Lores e María Luísa Cimadevila, directora e secretaria do Colexio Rosalía de Castro. No transcurso da mesma transmitíronme as necesidades da escola, sobre todo de espazo e de dignificación das instalacións, especialmente o pavillón que ten pingueiras e non conta nen con vestiarios entre outros problemas e necesidades.

Pola miña parte, tomei boa nota das queixas e propostas, e incidín na necesidade de potenciar o Consello Local Escolar e na importancia dun diálogo fluído entre centros educativos, pais e nais, sindicatos, delegación de educación e concellería de educación para estar sempre ao tanto das necesidades da comunidade educativa no noso municipio e traballar para mellorála con coñecemento directo dos problemas e escoitando as distintas propostas dos implicados.

En vindeiros días agardo poder reunirme tamén coas direccións dos demais centros educativos de Ogrove para coñecer tamén as súas necesidades e propostas.

Bon Biaxe

Esto foi recoyido na area de serbicio de Medas de
Santiago de Compostela o 18 de marzo de 2007. Binte ou
trintanos mais tarde, e moitos miyós deuros despois,
por fin a Normalizazión do galego ten ésito. O esforzo
economico e educatibo da Xunta, pagado por todos nos,
baleu a pena. Que lingua nin que lingua? Que e eso de
falar dun-ha maneira iescribir doutra? Biba a fala!

Subenziós pro Galego!

—————————————————————————————-
Isto recibino por e-mail, e amosa a precariedade na que vive a nosa lingua. E aínda hai grupos que protestan porque se potencie o ensino do galego nas escolas…

A gran acción global 2007

PD: onte foi o cabodano de H. P. Lovecraft (La Petite Claudine celébrao especialmente), e tamén se cumpren hoxe 4 anos do famoso e denigrante Acordo das Azores. Mañá, manifestación dicindo NON Á GUERRA!

Día da Clase Traballadora Galega

Como cada 10 de marzo desde que en 1.979 dous trablladores da Empresa Nacional Bazán en Ferrol, Daniel Niebla e Amador Rey, morreran en confrontación coa policía nunha revolta obreira, celebramos o Día da Clase Traballadora Galega. Este ano teremos tamén manifestación en Ferrol convocada polo Sindicato Nacional das Comisións Obreiras de Galicia (ao cal pertencían estes dous traballadores así como outros moitos dos represaliados ese día en Ferrol).

Para a Xuventude Comunista esta é unha data importante no calendario, pois axuda a reforzar a conciencia de clase do pobo galego e a recordar as loitas que se tiveron que librar no pasado para poder acadar os dereitos que hoxe en día estamos a perder.

O espírito desta convocatoria queda reflexado no seguinte comunicado da Xuventude Comunista:

10 de Marzo:que non precaricen as nosas vidas.

O 10 de Marzo de cada ano comemoramos o Día da Clase Traballadora Galega desde que en 1.972 dous traballadores da Empresa Nacional Bazán, Daniel Niebla e Amador Rey, morreran ás mans da policía, quen causou tamén decenas de feridos entre os que se atopaba o camarada Xulio Aneiros, quen xunto a Daniel, Amador e todos os que aquel 10 de Marzo do ‘72 se ergueron contra a inxustiza, pola Democracia e os Dereitos dos Traballadores, forman parte dos bos e xenerosos que di o hino daTerra.

Hoxe, mais de tres décadas despois, a Clase Obreira Galega ainda non goza con plenitude os dereitos polos que todos eles loitaron. Hoxe, a precariedade é o modelo que se lle impón aos
traballadores, en especial ás mulleres e á xuventude. Hoxe, na Xunta de Galiza atopámonos co goberno do continuísmo que se di de esquerdas, quen xunto aos distintos gobernos que se foron sucedendo nesta monarquía parlamentaria foron afondando no modelo neoliberal que precariza as nosas vidas, convertendo en papel mollado as conquistas de todos os homes e mulleres que se enfrontaron á ditadura. Falarlle hoxe a un mozo ou moza de emprego digno ou vivenda acesíbel é falarlle dun imposíbel, pois a temporalidade, a subcontratación e o mercado, en definitiva, a precariedade, imposibilítanos á xuventude desenvolvernos sen que desde os organismos públicos se faga nada por remediálo, máis ao contrario, afóndase no modelo en beneficio do Capital.

Os tempos son chegados, e é hora de que a mocidade galega, traballadora e estudantil, recupere o espírito de loita dos herois do 10 de Marzo e se erga en contra da precariedade e as inxustizas
polos dereitos sociais, por unha III República con Democracia Participativa garante dos nosos dereitos.

Dia Internacional da Muller Traballadora

Mañá, 8 de marzo, conmemorarase o Día Internacional da Muller Traballadora.

Foi un 8 de marzo de 1.857 cando morreron en New York 146 obreiras nun incendio provocado nunha fábrica de téxtil mentres portestaban polas pésimas condicións de traballo ás que se vían submetidas. Posteriormente, en datas parecidas, fóronse celebrando en distintos anos o Día da Muller en distintos países, especialmente nos EUA, sobre todo a partir de 1.910 cando a Internacional Socialista proclamou o carácter internacional do Día da Muller a proposta de Clara Zetkin, para apoiar as reivindicacións de sufraxio feminino. Na Rusia tzarista esta conmemoración tomou especial forza, sendo salientábel o 8 de marzo de 1.917 (segundo o calendario gregoriano) no que as mulleres rusas se rebelaron nunha folga que acelerou a Revolución de Outubro, onde saiu vencedor o Partido Bolxevique e a Clase Traballadora.

Hoxe o sufraxio feminino xa non é preciso reivindicalo, mais a igualdade no traballo e nos dereitos sociais, así como a loita contra a violencia de xénero son loitas nas que o xénero feminino non debe cesar, e os homes conscientes destes problemas debemos apoialas.

Maña, 8 de marzo, haberá diversas marchas e concentracións en toda Galiza convocadas pola Marcha Mundial das Mulleres. Agardemos que sexan útiles para a concienciación da nosa sociedade e lograr a igualdade.

Habilidades e necesidades

De cada un, de acordo coas súas habilidades, a cada un, de acordo coas súas necesidades.

Karl Marx

Intervención de Gaspar Llamazares en “59 segundos”

Interesante intervención de Gaspar Llamazares, coordinador xeral de Izquierda Unida Federal no programa 59 segundos de Televisión Española no que trata temas de actualidade como o asunto de De Juana Chaos ou a guerra no Afganistán.

Podedes ver o vídeo nesta páxina.