Como seguramente saibam, o Partido Socialista Obreiro Espanhol, num despreço absoluto polas suas siglas e a ideologia de esquerdas que dim defender, anunciou que se se mantenhem no poder despois do 9 de março, devolverám 400 € a cada espanhol/a que faga a declaraçom da renda.
“Fantástico” dirám alguns de vostedes. Pero nom nos deixemos enganar. Esta é umha medida da direita liberal baseada em destruir o “estado social” a cámbio de que haxa mais quartos nos petos dos consumidores, que é como nos vem desde as altas esferas económicas.
Esta proposta electoral que nos lança o PSOE está calculado que significará 5.000 milhons de euros menos nas arcas do Estado. Quartos suficientes para realizar medidas como universalizar a educación de 0 a 3 anos con centros públicos, a atençom primária ou a inversom necesária em matéria de ajuda à dependência para os 4 próximos anos, por exemplo, medidas que si som de esquerdas, que si benefíciam á classe trabalhadora asalariada, aos que tenhem dificultades para chegar a fim de mês, a pensionistas, em definitiva, medidas que ajudariam á implantaçom dum estado verdadeiramente social, no que nom nos fariam falha 400 € para pagar a garderia dos nossos filhos ou pagar a asistenta que coide aos nossos maiores.
Patética liorta fiscal entre PP e PSOE a que estamos a viver estos dias.
Artigos recomentdados relacionados con este tema:
