Entries categorized as ‘Cousas’
Uno-me à campanha blogueira em contra do recorte do orzamento em I+D+i proposto polo goberno de José Luis Rodríguez Zapatero.
A ciência em espanha nom precisa de recortes porque ante a situaçom actual de cirse do sistema capitalista, presisamos de um cámbio de modelo produtivo, apoiado no I+D+i.
Porque se debe seguir investigando para melhorar a calidade de vida dos cidadáns, com avances científicos e técnicos que se poidam aplicar na vida real.
Porque debe haber um investimento público na investigaçom que nom deixe soamente em mans privadas este campo. Isto suporia que, ademais de baixar o I+D+i, priorizariam-se os projectos ecnonomicamente mais rendíveis, sendo preciso para o avance social a proirizaçom dos socialmente rendíveis. Aqui temos o triste exemplo das enfermidades raras.
Porque mentres o rozamento em I+D+i baixa um 15%, o de defensa aumenta num 11%.
E por moitos outros motivos mais.
Categorías: Cousas
Une-te à Plataforma de Apio ao Povo Saharaui.
Categorías: Cousas
No seu último Comité Federal, o Partido Comunista de España aprobou umha resoluçom em contra do cánon sobre dispositivos de aramacenamento digital, como CDs, DVDs ou teléfonos móbiles entre outros, aprobado recentemente no Parlamento, contando co inexplicavelmente voto favorável de IU.
O PCE advoga polo conhecemento livre e apoio aos artistas. Remata o comunicado coas seguintes consignas:
¡El PCE con los creadores y los artistas!
¡El PCE contra el canon!
¡Ni un céntimo de nuestros impuestos para empresas privadas!
Ler o comunicado completo: El PCE rechaza el canon digital y exige que ni un céntimo de los impuestos vayan a manos privadas.
Categorías: Cousas · España · Partido Comunista · Política
Esta semana vou-me para o Sahara. Estarei ali umha semana nos campamentos de refugiados saharauis em Tindouf, como membro da Brigada Internacionalista ao Sahara organizada pola Unión de Juventudes Comunistas de España.
Levaremos diverso material solidário, como material escolar, mencinhas e outros. Reuniremo-nos com distintas organizaçons saharauis de mulheres, de estudantes, Frente Polisário, e visitaremos museos, hospitais e escolas.
Umha brigada internacionalista é umha ferramenta formativa, política e de solidariedade, com o objectivo de crear activistas da solidariedade internacional.
A República Árabe Democrática Saharaui (RADS, aínda que mais conhecida como Sahara Occidental) foi fundada no ano 1.976 despois de ter sido colónia espanhola desde 1.884 até 1.976, sendo abandoado o povo saharaui polo governo espanhol á sua sorte, entrando entom os exércitos marroquino e mauritano á conquista deste territorio. As tropas mauritanas foron derrotadas pola resistência saharaui e o governo de Mauritánia reconheceu á RADS, mentres que Marrocos aínda hoje em dia segue a ocupar parte do territorio deste país (os 2/3), o que fai que perto dumhas 200.00 pessoas dos aproximadamente 1.000.000 de habitantes saharauis vivam em campamentos de refugiados ao sul de Argélia, arredor da cidade de Tindouf.
—————-
Now playing: Cockney Rejects – East End
via FoxyTunes
Categorías: Cousas · Internacional · Xuventude Comunista
Categorías: Cine · Cousas · Humor
Sólo los que tienen algo que ocultar pueden pensar que legislar sobre la memoria es reabrir heridas
Paul Preston, historiador.
Interesantes reflexións do historiador Paul Preston sobre a memoria histórica en España.
Categorías: Citas · Cousas · España · Memoria Histórica
Únome á campaña de protesta polo secuestro da revista El Jueves. Como seguramente saberedes, o xuíz Del Olmo ordeou secuestrar esta revista humorística polo simple motivo de sacar en portada ao príncipes de España practicando sexo (algo que a monarquía e o poder xudicial parece que califican de deshonroso) cunha piada sobre as veces que traballou Felipe de Borbón na súa vida. Quitando que o debuxo non ten nada de “finura”, non vexo motivos suficientes para o secuestro da revista, pois só está caricaturizando a dous persoeiros públicos, como pasa todos os días con outras persoas que non son membros da familia real.
Isto vennos a demostrar que España está desfasada. Mantemos unha institución anacrónica como a monarquía e inda por riba non podemos facer chistes sobre eles. O que está claro é que o único chiste de mal gusto é que teñamos que estar a manter a estes parásitos. Cada día queda menos, a Terceira é nosa!
PD: isto si que son insultos á monarquía, e non pasou nada.
Categorías: Cousas · España · Humor · Política
O pasado sábado día 23, véspera de San Xoan, reunímonos unhas 60 persoas en Aios para participar no que se veu en chamar Foro de Portonovo Homenaxe a Ramón de Valenzuela.
Acudimos xentes de todo o país militantes, ex-militantes e simpatizantes do Partido Comunista de Galicia convocados polo histórico militante Luis “O Ferreiro”, vello camarada que a pesares da tortura, as vexacións e as dificultades sufridas, nunca deixou de lado a loita pola causa libertadora do comunismo. Luis puxo a disposición dos que alí acudimos a súa casa e unha suculenta comida entre a que non faltou, como non podía ser doutro xeito, a sardiñada. Despois do xantar, o catedrático Xesús Alonso Montero iniciou e moderou o debate que era o que alí nos levaba. Recordou a figura de Ramón de Valenzuela, militante primeiro do Partido Galeguista e despois do Partido Comunista, que poñía a disposición do Partido a súa casa da Adina para as xuntanzas clandestinas.
O debate foi enriquecedor, con aportacións da inmensa maioría dos presentes, tratando temas como a necesidade de relanzar o proxecto comunista do socialismo democrático, da situación actual de Esquerda Unida, das experiencias vividas polos vellos camaradas e sobre todo da necesidade de loitar por un futuro mellor. Por desgraza, eramos moitos a falar e non puidemos quedar até o final do debate, polo que quedamos sen escoitar o que seguramente foron outras interesantes intervencións dos que aínda non tomaran a palabra.
Certamente a experiencia foi positiva, e agardo que este primeiro Foro teña continuidade no tempo. Sinalar tamén que a pesares de ser a inmensa maioría militantes ou simpatizantes do PCG, tamén estaban presentes persoas de outros partidos, como o Secretario Xeral do Partido Comunista do Povo Galego, o camarada Collazo.
Experiencias como esta son enriquecedoras na formación política e persoal de todo xoven comunista.
Categorías: Cousas · Partido Comunista · Política
