Versom curta do documental Torquemada y el Bufón, no que se amosa como a extrema dereita católica fai uso do terrorismo em contra do uso da liberdade de expressom que eles consideram blasfémia. Seguramente o recordaredes, quando durante a representaçom da obra do itliano Leo Bassi, La Revelación, no madrilenho Teatro Alfil, extremistas católicos se manifestárom em contra da obra que fai apologia do laicismo e o ateísmo, até o ponto de colocar umha bomba no interior das instalaçons.
PD: nom vos olvidedes dos actos que esta fim de semana organiza a Asociación da Memoria Histórica de Ogrove.
Fidel Castro Ruz, numha epístola aberta aos cidadáns cubanos, anunciou a sua renúncia a ser reelegido como Presidente da República de Cuba debido aos seus problemas de saude, que o fissérom cesar dos seus cargos no governo cubano.
Neste artigo, o periodista apresenta-nos como a manipulaçom das masas evolucionou desde a censura de contidos á actual mentira nos medios de informaçom. Som moi claros os exemplos hoje em dia sobre a mentira e a manipulaçom informativa, desde as notícias contrapostas que distintos médios nos acostumárom sobre os atentados do 11-M em Madrid, até o recente video duns universitários cubanos e as suas preguntas ao Presidente do Parlamento de Cuba, Ricardo Alarcón.
Porque temos dereito a estar informados verazmente e contra toda manipulaçom, Serrano propom medidas legislativas e organismos que garanticen o rigor e sancione as falsedades das informaçons publicadas.
Nom sem tempo, quero adicar umhas linhas ao processo de liberaçom nacional do povo saharaui.
Como sabedes, este dezembro passado estivem uns dias de brigadista nos campamentos de refigiados saharauis em Argélia. Eram os dias prêvios do XII Congresso do Frente POLISARIO, no cal se decide democraticamente a política a seguir pola organizaçom assi como o Secretário Geral e Presidente da República Árabe Saharaui Democrática (RASD). As distintas conversas que tivemos coa gente de ali: trabalhadores, parlamentários, médicos, mestres, membros da organizaçom juvenil… fissérom-nos ver claramente que a maioria do povo saharaui estava farto da situaçom de ocupaçom e exílio que estám a viver, e por conseguinte, tras 16 anos de intentos de soluçom diplomática infrustuosa, estám por voltar à loita armada contra a ocupaçom marroquina do seu país. Esta opiniom é mantida sobre todo pola mocidade, a maioria dos cais só conhecem o exílio.
Outra postura que se presumia ia ser bastante apoiada no Congresso era a de dar um tempo a Marrocos para que acate ás resoluçons da ONU e desbloquear o processo de autodeterminaçom do Sahara Occidental, tras o cal, de nom cumprir-se este requisito, voltariam às armas.
Finalmente esta foi a postura triunfante no XII Congresso do Frente POLISARIO. O Presidente Mohamed Abdelaziz é contundente afirmando que todos os saharauis querem voltar às armas, mas nom aclara qual será o espaço de tempo que deixarám antes de retomar a loita armada.
Esta semana vou-me para o Sahara. Estarei ali umha semana nos campamentos de refugiados saharauis em Tindouf, como membro da Brigada Internacionalista ao Sahara organizada pola Unión de Juventudes Comunistas de España.
Levaremos diverso material solidário, como material escolar, mencinhas e outros. Reuniremo-nos com distintas organizaçons saharauis de mulheres, de estudantes, Frente Polisário, e visitaremos museos, hospitais e escolas.
Umha brigada internacionalista é umha ferramenta formativa, política e de solidariedade, com o objectivo de crear activistas da solidariedade internacional.
A República Árabe Democrática Saharaui (RADS, aínda que mais conhecida como Sahara Occidental) foi fundada no ano 1.976 despois de ter sido colónia espanhola desde 1.884 até 1.976, sendo abandoado o povo saharaui polo governo espanhol á sua sorte, entrando entom os exércitos marroquino e mauritano á conquista deste territorio. As tropas mauritanas foron derrotadas pola resistência saharaui e o governo de Mauritánia reconheceu á RADS, mentres que Marrocos aínda hoje em dia segue a ocupar parte do territorio deste país (os 2/3), o que fai que perto dumhas 200.00 pessoas dos aproximadamente 1.000.000 de habitantes saharauis vivam em campamentos de refugiados ao sul de Argélia, arredor da cidade de Tindouf.
Seguimos com aniversários. Esta semana, e em concreto o dia 7 do mês de novembro, conmemorou-se o 90º aniversário da Revoluçom de Outubro (no calendário juliano utilizado na época em Rúsia o 26 de outubro -dia da toma do Pazo de Inverno- é o 7 de novembro no calendário gregoriano utilizado actualmente).
O Outubro Vermelho será recordado como um dos acontecementos mais importantes da Histôria da Humanidade ao crear o primeiro estado socialista do mundo (a URSS) e influenciar no desenrolo político-económico de todo o século XX.
A Xuventude Comunista, organizaçom na que milito, está a realizar umha campanha recordando este fito histôrico, e realizou um comunicado no que se recolhem as ensinanzas da Revoluçom de Outubro:
Ensinou-nos a posibilidade mesma da Revoluçom, ao demostrar a sua realizaçom na práctica.
O segundo ensino da Revoluçom de Outubro: a superaçom de toda fórmula pre-establecida, de toda receita universal, de todo manual que queira encerrar nas suas marges a complejidade e os matices, a creatividade e a imaginaçom, presentes e necessárias, imprescindíveis, em todo processo revolucionário. Em definitiva, a morte do dogma.
E finalmente o método num senso amplo: de análise, de intervençom política e de organizaçom.
Hai um mês escaso conmemorava-se o aniversário do lanzamento do Sputnik-I, o primeiro satélite artificial lanzado ao espácio pola humanidade.
Onte cumprírom-se 50 anos desde que a cadela Laika fora o primeiro ser vivo en sair da atmosfera terrestre, a bordo do Sputnik-II, e sacrificar a sua vida em prol do avance científico.
A Uniom Soviética foi o primeiro estado do mundo em conquistar o espácio, e entrou numha dura pugna cos Estados Unidos pola supremacia neste campo científico-tecnológico. Hoxe en dia, a NASA e a ESA colaboran em projectos científicos a realizar em microgravidade, mentres em Ásia, China, Japom e Índia investigam a marchas forçadas para chegar a ser a nova potência espacial asiática.
Uns dim que em Cuba nom hai eleiçons. Mas estám trabucados, pois esta semana realizárom-se eleiçons para elegir representantes municipáis no país caribenho.
Outros dim que as eleiçons en Cuba estám amanhadas e que só te podes presentar como candidato se es do Partido Comunista. Outro engano. Em Cuba pode ser candidato qualquer cidadám que seja proposto por outro, os chamados “disidentes” tamém.
O periodista Pascual Serrano explica-nos na sua web o proceso eleitoral cubano que viviu esta semana em primeira persoa.
Este ano 2.007, ao Comité Nobel deuse-lhes por outorgar o Prémio Nobel da Paz, junto ao IPCC da ONU, ao político estadounidense Al Gore.
Esta personage, que se puxo de moda o ano pasado por encher os petos a conta de fazer propaganda ecologista coa sua película documental An inconvenient truth (Umha verdade incómoda), tem umha trajectoria, como vice-presidente dos EUA, que non foi en absoluto pacifista nem ecoligista. Baixo o madato Clinton-Gore, os EUA bombardeárom diversos países como Irak (si, Irak), Iugoslávia, Albania ou Liberia entre outros utilizando armamento nuclear, que demais de matar a civis indefensos, contaminou con uránio emprobrecido os lugares que tivérom a desgraça de cair no ponto de mira estadounidense. Ademais, o famoso Protocolo de Kioto, acordo internacional para frear o cámbio climático, non foi ratificado polo governo do que o premiado era vicepresidente, perdendo este umha oportunidade de ouro de predicar co exemplo, e nom coa gorra como fai atualmente.
Em fim, ou o Comité Nobel nom conhezia o passado de Gore, ou os lobbies deste trabalham perfeitamente para conseguir os seus intereses, ou o mais triste de todo, o Comité Nobel nom atopou a ninguém realemente merecedor deste prémio internacional e de prestigio.
Foi un 9 de outubro de 1.967 cando en La Higuera, Bolivia, Mario Terán, soldado boliviano, disparou contra Ernesto Guevara para quitarlle a vida para sempre, baixo o control de Félix Rodríguez, o axente da CIA que supervisaba a operación.
Mais a pesares de darlle morte biolóxica, o pensamento e o soño do Che seguen vivos. A famosa fotografía que lle tirou Alberto Korda un 5 de marzo de 1.960 nun mitin na Habana no que ao redor de un millón de persoas acudiron a escoitar a Fidel Castro e oas líderes revolucionarios, está presente nas nosas vidas cotiás en cartaces, camisolas, cartafois, etcétera, mantendo vivo o recordo e os soños de liberdade, igualdade e socialismo polos que o guerrilleiro arxentino-cubano loitou durante a súa heroica vida.
Corenta anos sen o Che, e aínda estremecen os versos da canción que Carlos Puebla compuxera na súa horna:
Aprendimos a quererte
desde la histórica altura
donde el sol de tu bravura
le puso un cerco a la muerte.
Tu mano gloriosa y fuerte
sobre la historia dispara
cuando todo Santa Clara
se despierta para verte.
Aquí se queda la clara,
la entrañable transparencia,
de tu querida presencia
Comandante Che Guevara.
Informe sobre a Lei de Dependencia com recomendaçons privatizadoras. Esperemos que nom lhe fagam caso, polo bem da s... http://bit.ly/1evrrp4 weeks ago
Nom sem tempo, quero adicar umhas linhas ao processo de liberaçom nacional do povo saharaui.
